तुकाराम महाराज अभंगगाथा – अभंग क्र. १५७२

जोंवरी तोंवरी जंबूक करी गर्जना ।

जंव त्या पंचानना देखिले नाही ।।१।।

जोंवरी तोंवरी सिंधु करी गर्जना ।

जंव त्या अगस्ती ब्राह्मणा देखिले नाही ।।२।।

जोंवरी तोंवरी वैराग्याच्या गोष्टी ।

जंव सुंदर वनिता दृष्टी पडली नाही ।।३।।

जोंवरी तोंवरी शूरत्वाच्या गोष्टी ।

जंव परमाईचा पुत्र देखिला नाही ।।४।।

जोंवरी तोंवरी माळा मुद्रांची भूषणे ।

जंव तुकयाचे दर्शन झाले नाही ।।५।।

Leave a Reply

Your email address will not be published. Required fields are marked *

error: Content is protected !!